Koronavirus infeksiyasiga chalingan bemor kasallik belgilari paydo bo‘lishidan ikki kun oldin va kasallikning birinchi kunida maksimal darajada yuqumli bo‘ladi. Bu haqda “Rospotrebnadzor” epidemiologi Natalya Pshnichnayaga tayanib, “RIA Novosti” xabar berdi.
“Belgilar paydo bo‘lishidan ikki kun oldin va kasallikning birinchi kuni bemor maksimal darajada yuqumli bo‘ladi. O‘rtacha belgilar esa paydo bo‘lishidan uch-to‘rt kun oldin (kamdan kam hollarda yetti kun) va kasallikning dastlabki besh kunida yuqumli bo‘ladi”, — deydi ekspert.
Uning ta’kidlashicha, virusning yuqish imkoniyati vaqt o‘ta borgach kamayib boradi.
Pshenichnayaning so‘zlariga ko‘ra, infeksiya havo-tomchi orqali ko‘proq yuqadi, suhbat paytida har bir havo chiqqanida 200 dan ortiq virus zarralari ajraladi. Bundan tashqari, ekspertning qo‘shimcha qilishicha, kasallikdan himoyalanishning eng oddiy va samarali usuli tibbiy niqoblarni taqish hisoblanadi.
“Niqob yordamida kasal inson viruslarni tarqatmaydi. Shu bilan birga, u virusli zarralardan nafas olmaydi”, — deydi mutaxassis.
Avvalroq koronavirus yuqtirib olgan bemorlar kasallik belgilari aniqlanganidan keyin 11 kun o‘tgach atrofdagilarga COVID-19’ni yuqtira olmasligi to‘g‘risida xabar berilgandi.
Izoh (0)