ASEAN NCAP ташкилоти 2,8 литрли дизель моторга эга янгиланган Toyota Hilux’нинг хавфсизлигини баҳолади. Краш-тестлар натижасига кўра, пикап бешта юлдузни қўлга киритган. Худди шу каби баҳо Fortuner’га ҳам берилган, деб ёзади Motor.
Тестда Таиланд бозори учун чиқарилган Toyota Hilux пикапи қатнашди. Синов дастурига кўра, машина соатига 64 километр тезликда тўсиққа, шунингдек, деформацияланувчи модулга эга ҳаракатланаётган тиркамага ён томони билан урилиши керак. Балл тизими билан нафақат ёши катта йўловчилар ва болалар хавфсизлиги, балки хавфсизлик тизими иши ҳам баҳоланган.
Краш-тестлар натижасига кўра, Toyota Hilux олд йўловчиларнинг хавфсизлигини баҳоловчи мавжуд 36 баллдан 32,93 балл, болалар хавфсизлиги бўйича 44,04 балл (49 баллдан) ҳамда хавфсиз пешқадам технология учун 10,95 балл тўплаган. Умумий баҳо 83,42 баллга тенг бўлиб, у бешта юлдузга лойиқ кўрилган.
Эслатиб ўтамиз, шу йилнинг июль ойида эски Fiat ва янги BMW краш-тести машиналарнинг хавфсизлик тизими қанчалик эволюцияга учраганини кўрсатиб берган эди.
Изоҳ (0)