Россиялик блогер Volkswagen Golf’да ҳаракатланаётган «Нива» устидан сакраб ўтди (видео)

Евгений Чеботарёв исмли россиялик каскадёр ўзининг Instagram’даги саҳифасида «Форсаж» фильмидаги экшн-саҳнани такрорлагани тасвирланган видеони эълон қилди. Бу сафар эркак эски Volkswagen Golf’да «ВАЗ-2121» устидан сакраб ўтган.

Каскадёр ушбу саҳнани такрорлаш учун 53 минг рублга (700 доллар) харид қилинган эски Volkswagen Golf’дан фойдаланган. Трюкни амалга ошириш учун экстремаллар махсус трамплин ясаган. Евгений унинг ёрдамида ҳаракатланаётган «ВАЗ-2121» устидан сакраб ўтишни режалаштирган. Режага кўра, «Нива» Golf билан параллел ҳаракатланиши керак бўлган — хетчбек трамплинга яқинлашгач, йўлтанламас битта йўналиш бўйича ҳаракатини давом эттириши керак эди. Бироқ траекторияни ҳисоблаш натижасида «Нива»ни ҳаракатланиш қисмига нисбатан перпендикуляр йўналтиришга қарор қилинган.

https://www.instagram.com/p/CGNUqs8H6HL/

Golf ерга анча қаттиқ тушган. «Парвоз» вақтида Golf олд томонга оғишни бошлаган ва натижада хетчбек асфальтга урилиб, унинг бампери ва капотига шикаст етган.

Аввалроқ Kia компаниясининг Америкадаги офиси K5 бизнес седанига бағишланган ноодатий реклама билан бўлишганди. Унда Жанубий Корея автомобиль ишлаб чиқарувчиси иккита Kia K5 моделининг ўн метрли трамплиндан сакрагани тасвирланган видеороликни тақдим этган.