Mercedes-Benz kompaniyasi krash-testlarda ishtirok etadigan manekenlar hayotiga bag‘ishlangan komediyali serialning birinchi epizodini taqdim etdi. Birinchi qism tormoz tizimining sinoviga bag‘ishlangan.
Kadr: YouTube
“Baxtli kun” nomini olgan birinchi epizod davomida tomoshabinlar Fred va Tom bilan — Mercedes-Benz’ning zamonaviy xavfsizlik tizimini sinovdan o‘tkazuvchi ikkita maneken bilan tanishadi. Fred ko‘plab sinov poligonlarida bo‘lib, barcha mavjud texnik testlarni “boshidan o‘tkazgan veteran” bo‘lsa, uning Tom ismli hamkasbi esa yosh va yangi sinovlarni intiqlik bilan kutmoqda.
Birinchi qism tormoz tizimini sinovdan o‘tkazishga bag‘ishlanadi: sinov vaqtida na avtomobil va na uning ishtirokchilariga shikast yetadi. Bu kabi holat Fredning jahlini chiqaradi, chunki u krash-test manekeni ekanligidan g‘ururlanadi va to‘qnashuvlarni yaxshi ko‘radi.
Harakat vaqtida avtomobil keskin to‘xtashni amalga oshirgan, bu esa uning tomoz tizimi sinovdan muvaffaqiyatli o‘tganini bildiradi. O‘z navbatida Fred buni hayotidan eng yomon kun deb ataydi. Yosh Tom esa uni tinchlantirishga urinadi va keyingi epizodda isituvchi o‘rindiqlar sinovdan o‘tkazilishini ma’lum qiladi.
