Бухоро вилояти Бухоро туманида 29 сентябрь куни Nexia-3 автомобилининг бетон тўсиққа урилиб, ағдарилиб кетиши оқибатида ҳайдовчининг рафиқаси ва фарзанди ҳалок бўлди. Бу ҳақда Тергов департаменти хабар берди.
Маълум қилинишича, 2020 йилнинг 29 сентябрь куни соат 07:30 да 30 ёшли С.Ж. Nexia автомашинасида Жондор—Бухоро йўналиши бўйлаб ҳаракатланиб, Бухоро тумани «Работиқалмоқ» МФЙ ҳудудидан ўтувчи 4Р-72 автомобиль йўлининг 8-километрида автомашина бошқарувини йўқотган. Машина йўлнинг ҳаракат йўналиши бўйича ўнг томонида жойлашган бетон тўсиққа олд қисми билан урилиши оқибатида бир неча маротаба ағдарилиб кетган.
Натижада автомашинада бўлган йўловчилар — ҳайдовчининг турмуш ўртоғи, 29 ёшли Б.Х. ҳамда унинг вояга етмаган фарзанди, 7 ёшли К.Т. ҳодиса жойида вафот этган.
Мазкур ҳолат юзасидан Бухоро вилоят ИИБ ҳузуридаги Тергов бошқармаси томонидан Ўзбекистон Республикаси Жиноят кодексининг 266-моддаси 3-қисми «а» банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир:
- Андижонда Volvo юк машинаси икки нафар қизалоқни босиб кетиб, хонадонларнинг бирига бориб урилди
- Наманганда ИЖ-2715 русумли автомобиль бетон тўсиққа урилиши оқибатида унинг йўловчиси ҳалок бўлди
- Фарғонада Matiz ҳайдовчиси бетон тўсиққа урилиши оқибатида вафот этди
- Фарғонада Nexia трактор тиркамасига урилиши оқибатида 1 киши ҳалок бўлди, 3 киши шифохонага ётқизилди
Изоҳ (0)