Коронавирус оқибатида вафот этганларнинг сони 1 миллиондан ошгани бу ҳайратланарли ва даҳшатли воқеа. Бу ҳақда БМТ Бош котиби Антониу Гутерриш айтиб ўтди.

Антониу Гутерриш

Фото: БМТ ахборот хизмати

«Бизнинг дунёмиз даҳшатли босқичга эришди: COVID-19 туфайли миллион кишини йўқотдик. Бу ҳайратланарли рақам», – деди бош котиб.

Гутерреш статистика қариндошлар, дўстлар ва ҳамкасблар бўлган ҳақиқий одамлар ҳаётидан иборат эканлигини унутмасликни сўради.

«Шунча кўп одам ҳалок бўлганлиги ҳақидаги хотира бизнинг келажагимиз ҳамжиҳатликка, одамлар ва миллатларнинг бирлашувига боғлиқлигини ҳеч қачон унутмаслигимизга туртки бўлсин», – деди Гутерриш.

Бош котиб пандемия оғирлигига қарамай, инсоният ўз хатоларидан сабоқ олса, ушбу қийинчиликни енгиб ўтишига ишонч билдирди.

«Масъулиятли етакчилик муҳим аҳамиятга эга. Илм-фан муҳим аҳамиятга эга. Ҳамкорлик муҳим», – деди ташкилот раҳбари.

Гутерриш коронавирусга қарши профилактика чораларига риоя қилишни давом эттириш зарурлигига ишора қилди.

Эслатиб ўтамиз, 29 сентябрь куни дунё бўйлаб коронавирусдан ўлганлар сони 1 миллион кишидан ошди. Жонс Ҳопкинс университети маълумотларига кўра, COVID-19 билан касалланганларнинг умумий сони 33,3 миллион кишига етди. Касалликлар сони бўйича биринчи ўрин ҳали ҳам АҚШ (7,1 миллион киши) эгаллаб турибди. Кучли учликда Ҳиндистон (6,1 миллион) ва Бразилия (4,7 миллион) қайд этилган.

Аввалроқ ЖССТ коронавирус билан боғлиқ ўлим ҳолатлари расмий маълумотлардагидан кўпроқ эканини таъкидлаганди.