Швециядан бўлган 17 ёшли экофаол Грета Тунберг танаффусдан сўнг Швеция парламенти биноси олдида бўлиб ўтган ўз ҳамфикрларининг жума кунги акциясида иштирок этди, деб хабар бермоқда Associated Press.
Журналистлар билан суҳбатда у бу ҳаракат, аввалгилари каби, одамларнинг атроф-муҳит муаммоларидан хабардорлигини оширишга қаратилганини таъкидлаган.
Эслатиб ўтамиз, Грета Тунберг 2018 йилда ҳар жума куни мактабдан қолиб, Швеция парламенти биноси ёнида норозилик намойиши ўтказишни бошлагани ва ҳукуматдан иқлимни асраш бўйича чора-тадбирлар ўтказишни талаб қилганидан сўнг машҳур бўлганди.
Унинг бутун дунё бўйлаб тарафдорлари пайдо бўлиб, улар ҳам жума кунлари акциялар уюштиришни бошлаган. 2019 йилда бу каби норозиликлар бутун дунё бўйлаб ёшлар томонидан ўтказилган. Коронавирус пандемияси туфайли акциялар ўтказмай қўйганди.
Тунберг БМТнинг Нью-Йоркда ўтган иқлим ўзгаришларига бағишланган анжуманида нутқ сўзлаган. 2019 йил охирида Time журнали швециялик ўсмир қизни «Йил одами» деб эътироф этган.
Август ойи охирларида Грета Тунберг бир йиллик танаффусдан сўнг мактабга қайтаётганини маълум қилганди.
Изоҳ (0)