Shvetsiyadan bo‘lgan 17 yoshli ekofaol Greta Tunberg tanaffusdan so‘ng Shvetsiya parlamenti binosi oldida bo‘lib o‘tgan o‘z hamfikrlarining juma kungi aksiyasida ishtirok etdi, deb xabar bermoqda Associated Press.
Jurnalistlar bilan suhbatda u bu harakat, avvalgilari kabi, odamlarning atrof-muhit muammolaridan xabardorligini oshirishga qaratilganini ta’kidlagan.
Eslatib o‘tamiz, Greta Tunberg 2018-yilda har juma kuni maktabdan qolib, Shvetsiya parlamenti binosi yonida norozilik namoyishi o‘tkazishni boshlagani va hukumatdan iqlimni asrash bo‘yicha chora-tadbirlar o‘tkazishni talab qilganidan so‘ng mashhur bo‘lgandi.
Uning butun dunyo bo‘ylab tarafdorlari paydo bo‘lib, ular ham juma kunlari aksiyalar uyushtirishni boshlagan. 2019-yilda bu kabi noroziliklar butun dunyo bo‘ylab yoshlar tomonidan o‘tkazilgan. Koronavirus pandemiyasi tufayli aksiyalar o‘tkazmay qo‘ygandi.
Tunberg BMTning Nyu-Yorkda o‘tgan iqlim o‘zgarishlariga bag‘ishlangan anjumanida nutq so‘zlagan. 2019-yil oxirida Time jurnali shvetsiyalik o‘smir qizni “Yil odami” deb e’tirof etgan.
Avgust oyi oxirlarida Greta Tunberg bir yillik tanaffusdan so‘ng maktabga qaytayotganini ma’lum qilgandi.
Izoh (0)