Жаҳон соғлиқни сақлаш ташкилотининг экспертлари COVID-19 коронавирус инфекциясидан ҳимояланиш учун болалар 12 ёшдан бошлаб худди катталар каби тиббий ниқоб тақиши зарурлигини маълум қилган эди. Шунингдек, ЖССТ ҳамда ЮНИСЕФ беш ёшдан кичик болалардан тиббий ниқоб тақишини талаб қилмаслик кераклигини қайд этган.
Республика махсус комиссияси ва Коронавирусга қарши кураш штаби аъзоси Нурмат Отабеков «Дарё» мухбирининг 12 ёшдан кичик болалар ниқоб тақиши шартми, деган саволига жавоб бериб ўтган.
Мавзуга доир: Ниқоб тақиб бўлмайдиган кичик ёшли болаларни коронавирусдан қандай ҳимоялаш керак? Мутахассис жавоби
Жаҳон соғлиқни сақлаш ташкилоти тавсия берувчи орган ҳисобланади. Ташкилотнинг тавсиялари ҳар бир давлатда унинг муҳити, шароити, тизимига мослаштирилади. Менинг шу ўринда яна бир савол бергим келади, биз 12 ёшгача бўлган болаларимизнинг касалликка чалинишини хоҳлаймизми? Хоҳламаймиз. Мактабда болалар узоғи билан 5-6 соат бўлади. Улар ниқоб тақиш орқали ўзларини ҳимоя қиляпти. Бу ниқобларнинг ҳаммаси етарли миқдорда ҳавони ўтказиш қобилиятига эга, махсус стандартлар асосида ишлаб чиқилган. Биз бу каби тавсияларни ўзимизнинг амалиётимизда қўллашдан аввал тарозининг икки палласини солиштириб кўришимиз керак.Эслатиб ўтамиз, бундан олдинги брифингда Нурмат Отабеков Ўзбекистонда ёш болалар орасида коронавирусдан ўлим кўрсаткичлари юқори эканлиги ҳақидаги гаплар ҳақиқатдан йироқлигини маълум қилган. Аввалроқ Коронавирусга қарши кураш штабининг яна бир аъзоси Барно Абдусаматова Ўзбекистонда шу кунгача коронавирусга чалинганларнинг 3 932 нафари болалар бўлиб, улар орасида ўлим ҳолатлари қайд этилмагани, болалар орасида касаллик 7-18 ёшгача бўлганларда кўп учраётгани, умумий касалланиш кўрсаткичининг 55 фоизини болалар ташкил этишини айтган.Қайси биридан биз кўпроқ манфаат кўрамиз: ўша неварамизнинг қўлидаги уч марта алмаштириб тақиладиган ниқобданми ёки уни тақмасдан касалликни юқтириб олишданми? Демак, шу нуқтаи назардан ёндашадиган бўлсак, ҳар битта ҳолатга ўша муҳитдаги эпидемик вазиятдан, касалликнинг юқиш қобилияти нечоғлик юқори бўлганидан келиб чиқиб, профилактик тадбирларга болаларимиз нечоғлик риоя этиш имконияти борлиги, қолаверса, эрталаб ўтказаётган фильтрларимиз сифатли бўлдими, касалликка чалинганларнинг ҳаммасини мактабга киритмасдан уйларига қайтара олдикми? Мана шу саволларга жавоб топишимиз керак бўлади. Менинг фикрим, ниқобни тақиш керак. Ниқобдан биз кўпроқ самара кўрамиз. Жаҳон соғлиқни сақлаш ташкилоти 12 ёшгача бўлган болалар ниқоб тақиши шарт эмас, деган экан, ўрнига нима тавсия қила оламиз? Эртага, Худо кўрсатмасин, масалан, дўппи торроқ келиб қоладиган бўлса, улар биз тавсия бердик холос, уни қабул қилиш ёки қилмаслик ўзингизни вазифангиз, дейиши мумкин. Биз фарзандларимизни касалликдан сақлаб қолиш учун қандай имкон бўлса, ҳаммасини ишга солганимиз мақсадга мувофиқ бўлади.
Нурмат Отабеков, Республика махсус комиссияси ва Коронавирусга қарши кураш штаби аъзоси
Изоҳ (0)