Янгийўл ва Зангиота туманида куз–қиш мавсумига тайёргарлик сабабли газ таъминоти вақтинча ўчирилади, дея хабар бермоқда Тошкент вилояти ҳамда Зангиота тумани ҳокимлиги.
Қайд этилишича, 2020–2021 йиллар учун куз-қиш мавсумига тайёргарлик ишларини амалга ошириш, юқори ва ўрта босимли газ қувурларида босим остида синов ишлари олиб борилиши сабабли Янгийўл шаҳар ҳамда туманида 2020 йил 21 сентябрь соат 08:00 дан 24 сентябрь соат 18:00 га қадар табиий газ таъминоти вақтинча тўхтатилади.
Зангиота туманида эса 2020 йил 21 сентябрь соат 09:00 дан 24 сентябрь соат 18:00 га қадар жами 25 500 та аҳоли ва улгуржи истеъмолчиларда табиий газ таъминоти ўчирилади.
Таъмирлаш ишлари тугатилгандан сўнг табиий газ таъминоти қайта тикланади.
Ҳокимликлар хабарида газ таъминотидаги вақтинча узилишлар сабабли истеъмолчилардан узр сўралган.
Изоҳ (0)