Американинг Кентукки штатидаги Луисвилл шаҳри маъмурияти полиция томонидан ўлдирилган афроамерикалик Бреонна Тэйлорнинг оиласига 12 миллион доллар тўлайди, деб хабар қилмоқда CNN'га таяниб «РБК».
Марҳумнинг қариндошлари учун адвокат Бен Крампнинг таъкидлашича, бу полиция томонидан қора танли аёлнинг ўлдирилиши учун тўланган энг катта сумма ҳисобланади.
Аёл март ойида ўз хонадонида севгилиси билан отиб ўлдирилган эди. Квартирада гиёҳванд моддалар сақланаётганига ишонган полиция унинг ёнига бостириб кирган. Йигит буни уюштирилган деб ўйлаб полицияга ўт очади. Отишма натижасида полиция афроамерикалик аёлни отиб ўлдиради.
Кейинчалик полиция ходимларидан бири ишдан бўшатилган, аммо уларнинг ҳеч бирига айблов қўйилмаган.
АҚШда доимий равишда ирқчилик ва полиция зўравонлигига қарши намойишлар бўлиб туради. Сўнгги йиллардаги энг йирик намойишлар 2020 йил май ойининг охирида Жорж Флойднинг ўлимидан кейин юз берган кўча намойишлари бўлди. Намойишлар мамлакатнинг кўплаб шаҳарларида Black Lives Matter ( «Қора танлиларнинг ҳаёти муҳим») ҳаракати доирасида бўлиб ўтди.
Асосан тинч намойишлар бўлиб ўтди, бироқ баъзи намойишларда дўконларга ҳужумлар ва колония даври ёдгорликларига зарар етказиш кузатилди. Намойишчиларнинг полиция билан тўқнашувлари ҳам бўлиб ўтди. Кейинроқ Black Lives Matter ҳаракати ва ирқчиликка қарши норозликлар дунёнинг бошқа мамлакатларига ҳам тарқалди.
Янги оммавий норозилик 23 август куни Висконсин штатидаги Кеноша шаҳрида икки нафар полициячи 29 ёшли қора танли эркакка унинг болалари олдида 7 марта ўқ узганидан кейин бошланди, одамлар автосалон ва автомобилларни ёқиб юборган.
Шу билан бирга, Америка раҳбари демократларни улар раҳбарлик қилаётган шаҳарларда тартибни таъминлай олмаётганликда айблади.
Изоҳ (0)