БАА ташқи ишлар вазири Абдулла ибн Зайд ал-Наҳаён ва Баҳрайн ташқи сиёсий идораси раҳбари Абдуллатиф ал-Заёний Вашингтонда Исроил билан ўзаро муносабатларни яхшилаш тўғрисидаги ҳужжатни имзолади. Маросимда Исроил томонидан мамлакат бош вазири Беньямин Нетаньяху иштирок этди, деб хабар беради Reuters.
Шунингдек, маросимда Исроил ва икки араб мамлакати ўртасида воситачилик қилган АҚШ президенти Дональд Трамп ҳам қатнашган. У ушбу кунни «ажойиб кун» деб атаган. Трампнинг сўзларига кўра, ушбу уч мамлакат барча динларга мансуб одамлар тинч-тотув яшашини таъминлайдиган кунларни яқинлаштирмоқда.
Баҳрайн ва БАА 1994 йилда Исроилни тан олган биринчи давлатлар ҳисобланади. 16 йил олдин АҚШ президент Билл Клинтон воситачилигидаги Вашингтонда Исроил ва Иордания ўртасидаги муносабатларни яхшилаш битими имзоланганди. Қолган араб давлатлари орасидан фақат Миср 1979 йилда Исроил билан келиша олган.
Аввалроқ Исроил ва БАА инвестиция, туризм, тўғридан-тўғри парвозлар, хавфсизлик, телекоммуникация ва бошқа соҳаларда бир қатор шартномаларни имзолаши тўғрисида хабар берилганди. Фаластин раҳбарияти уч томонлама келишувга қатъий қоралади ҳамда ўз элчисини БААдан чақириб олди. Август охирларида эса БАА Исроилга нисбатан 48 йил давом этган иқтисодий бойкотни бекор қилди.
Изоҳ (0)