Apple компанияси iPhone 12 линейкаси тақдимотидан кейин iPhone 11 ва iPhone SЕ2 моделларини савдодан олиб ташламайди. Аксинча, уларнинг нархини тушириб, у қадар қиммат бўлмаган моделлар сифатида қолдиради, деб хабар беради MyDrivers.
Фото: Hi-Tech.Mail.ru
Ҳозирда 64 гигабайтли iPhone 11 учун тавсия этилган нарх 799 доллар, айрим дўконларда ҳатто бундан ҳам арзон сотилмоқда. Янги модель анонсидан кейин унинг нархи камида 20 фоизга тушиб кетиши керак. Бу каби вазият iPhone SЕ 2’да ҳам кузатилган.
Миш-мишларга кўра, Apple 2020 йилда нафақат 5G алоқа тармоғини қўллаб қувватлайдиган илк смартфонларни тақдим этади, балки базавий экрани 5,4 дюймга тенг ва фақат 4G’да ишловчи iPhone 12 версиясини 549 доллар эвазига сотувга чиқаради. Унинг экранини 6,1 дюймга қадар кўтариш эса нархнинг 649 доллар бўлишига олиб келади. Маълумот учун, 2019 йилда энг арзон iPhone 11 нархи 699 долларни ташкил этган.
Компания ўз iPhone’ларининг 2020 йилги тақдимотини 15 сентябрга режалаштирган.
Аввалроқ iPhone 12 модели камераларининг техник тавсифлари тўғрисида маълумот берилганди.
