Samsung Galaxy Note20 Ultra 2020 йилда тақдим этилган энг қиммат флагманлардан бири ҳисобланади. АҚШда гаджет 1300 ёки 1450 доллардан (солиқларни ҳисобга олмаганда) сотилмоқда, деб хабар беради IXBT.
Samsung компанияси бу каби аппаратни ишлаб чиқариш учун қанча маблағ сарфлайди? Counterpoint мутахассислари смартфоннинг таркибий қисмларини 468 долларга баҳолади, уни йиғиш ва тестдан ўтказиш, қадоқлаш, аксессуарлари ва бошқа харажатлар билан бирга эса — 548,9 доллар.
Шундай қилиб компания ҳар бир Galaxy Note20 Ultra’ни сотишдан 750 доллардан ортиқ маблағ ишлайди. Албатта, бунинг ичидан қурилмани яратиш, логистика, маркетинг ва бошқа кўплаб харажатлар ўрин олмаган. Шунингдек, бу каби баҳолашда SоC Snapdragon 865+ модификацияси ҳисобга олинган. Exynos 990 версияси бундан ҳам арзонроқ бўлиши мумкин.
Смартфоннинг энг қиммат таркибий қисми антеннали платформаси (154,2 доллар) ва экрани (91,5 доллар) ҳисобланади.
Бундан ташқари, «локализация» даражаси тасвирланган диаграммадан кўриш мумкинки, Samsung барча таркибий қисмларнинг 50 фоизини ўзи ишлаб чиқаради.
Мавзуга доир: Фото: Samsung Galaxy Note20 Ultra камераси iPhone 11 Про Мах ва Samsung’нинг бошқа флагманларига қарши
Изоҳ (0)