Huawei’да ўз манбаларига эга хитойлик инсайдер компания томонидан яратилган янги смартфоннинг «жонли» суратлари билан бўлишди, деб хабар беради IXBT.
Nova 8 номини олган смартфонга OLED-экран ўрнатилган. Унинг диагонали ва пикселлар сони ҳақида маълумот йўқ, бироқ кадрлар частотаси маълум — 120 герц. Шунингдек, иккиталик форонтал камера ўрни ва дисплей ёнлари эгилганини кўриш мумкин. Шу сабабли нова 8 модели камида Huawei P40 Pro’га ўхшаш бўлади.
Инсайдернинг маълум қилишича, Huawei ҳозирда нова 7’ни ишлаб чиқариш ҳажмини камайтирган, бу эса nova 8 модели яқин орада тақдим этилишидан дарак беради. Тахминларга кўра, мазкур серия таркибидан нова 8 SЕ, нова 8 ва нова 8 Pro ўрин олиши мумкин. Манба ушбу смартфонларга қандай процессорлар ўрнатилишига ҳам аниқлик киритмаган. Афтидан қурилмалар SoC MediaTek сериясидаги Dimensity 800 ёки Dimensity 1000’га эга бўлади.
Аввалроқ Huawei смартфон-калит, аккумулятор ва USB-портга эга «ақлли» чамадон тақдим этгани, тез орада ноодатий иккинчи экранга эга смартфон ишлаб чиқариши тўғрисида хабар берилганди.
Изоҳ (0)