Бундан бир йил олдин тақдим этилганига қарамай ҳамон долзарблигича қолиб келаётган iPhone 11 Pro Мах ҳамда ҳали «бир ойлик» ҳам бўлмаган Note20 Ultra флагманлари ўзаро таққосланди, деб хабар беради IXBT.
Биринчи тестда иккала қурилмада ҳам бир хил иловаларнинг очилиш тезлиги синовдан ўтказилди. Ушбу ҳолатда уларнинг сони 16 тани ташкил этди. Мазкур тестда iPhone 11 Pro Мах ғолибликни қўлга киритган: у вазифани 1 дақиқаю 52,91 сонияда уддалаган. Samsung флагманида эса ушбу жараённи бажаришга 2 сониядан кўпроқ вақт кетган.
Иккинчи тест — фондаги 16 та иловани юклаб олишдан иборат ва бунда Galaxy Note20’га ўрнатилган «ортиқча 8 гигабайт тезкор хотира ёрдам берган (Samsung флагмани тезкор хотираси 12 гигабайтни, Apple’ники 4 гигабайтни ташкил этади): Note20 Ultra ушбу вазифани 46 сонияда бажарган, iPhone 11 Pro Мах’да эса 1 дақиқа.
Тест якунига кўра: 1—1. Шунга қарамай, Apple’га эътирофга муносиб, чунки кичикроқ ҳажмдаги тезкор хотира билан ҳам яхши рақобат кўрсата олган.
Аввалроқ YouTube’даги PhoneBaff канали мутахассислари iPhone 11 Pro Мах ҳамда бозорда биринчи бор Gorilla Glass Victus ҳимоя ойнасига эга бўлган Samsung Galaxy Note20 Ultra’ни ўзаро таққослаб, уларнинг қайси бири зарбаларга бардошли эканлигини аниқлаганди.
Изоҳ (0)