Қорақалпоғистон Республикаси Жўқорғи Кенгесида бўш қолган бешта депутатлик ўринлари учун қайта сайлов жараёнлари 20 сентябрь куни бўлиб ўтади. Бу ҳақда Қорақалпоғистон Марказий сайлов комиссияси масъул ходимига таяниб, «Kun.uz» хабар берди.
Унга кўра, депутатлик сайловлари Қорақалпоғистоннинг бешта ҳудудида қайта ўтказилиши режалаштирилган:
- Нукус шаҳри бўйича — 4-сонли «Е. Алакўз» сайлов округи;
- Элликқалъа тумани бўйича — 20-сонли «Сарабий» сайлов округи;
- Беруний тумани бўйича — 25-сонли «Навбаҳор» сайлов округи;
- Қўнғирот тумани бўйича — 49-сонли «Қўнғирот» сайлов округи;
- Қораўзак тумани бўйича — 63-сонли «Қоракўл» сайлов округи.
Маълумот учун, Қорақалпоғистон Республикаси Жўқорғи Кенгесида 65 нафар депутат фаолият олиб боради. Айни пайтда кенгашда 5 та депутатлик ўрни бўш қолмоқда.
Эслатиб ўтамиз, Қорақалпоғистон Жўқорғи Кенгеси раиси Муса Ерниязовда 24 июнь куни коронавирус аниқланган. У Республика ихтисослаштирилган Хирургия илмий-амалий тиббиёт марказининг Нукус филиалига ётқизилган. Унга COVID-19 инфекцияси ўта оғир кечиши, икки томонлама пневмония ташхиси қўйилган. Қорақалпоғистон ССВ ахборотига кўра, Муса Ерниязов бир ой оғир аҳволда бўлган. 31 июль куни эса Муса Ерниязов вафот этди.
Изоҳ (0)