Швециядан бўлган 17 ёшли экофаол Грета Тунберг бир йиллик танаффусдан сўнг мактабга қайтишга қарор қилди, деб хабар бермоқда Meduza.
«Академик таътилим тугади, яна мактабга қайтиш қандай мазза», — деб ёзган у ўзининг Twitter’даги саҳифасида.
My gap year from school is over, and it feels so great to finally be back in school again! pic.twitter.com/EKDzzOnwaI
— Greta Thunberg (@GretaThunberg) August 24, 2020
Тунберг мактабдан таътилга чиққани ҳақида 2019 йилнинг июнь ойида маълум бўлганди. Экофаол иқлимни ҳимоя қилиш борасидаги фаолияти сабаб ўқишида танаффус олишга қарор қилган.
Эслатиб ўтамиз, Грета Тунберг 2018 йилда Швеция парламенти биноси ёнида ҳар жума куни норозилик намойиши ўтказишни бошлаган ва ҳукуматдан иқлимни асраш бўйича чора-тадбирлар ўтказишни талаб қилганидан сўнг машҳур бўлганди.
2019 йилда бу каби норозиликлар бутун дунё бўйлаб ёшлар томонидан ўтказилган, Тунберг эса БМТнинг Нью-Йоркда ўтган иқлим ўзгаришларига бағишланган анжуманида нутқ сўзлаган. 2019 йил охирида Time журнали швециялик ўсмир қизни «Йил одами» деб эътироф этган.
Изоҳ (0)