Тошкент вилояти Тошкент тумани марказида 50 метр баландликда Ўзбекистон давлат байроғи ўрнатилди, деб хабар бермоқда вилоят ҳокимлиги ахборот хизмати.
Қайд этилишича, 50 метрлик минорага ўрнатилган байроқнинг узунлиги 12 метр, эни эса 6 метрни ташкил этади.
Улкан байроқ янги қурилган туман тиббиёт бирлашмаси ва кўп қаватли уйлар олдидаги майдонга ўрнатилиб, Келес йўли марказий кўчаси бўйлаб туманга кириб келишда қад ростлаган.
Вилоят ҳокимлиги хабарига кўра, байроқ мустақилликнинг 29 йиллиги арафасида ўрнатилган.
Эслатиб ўтамиз, Тошкент шаҳрида 65 метр, Фарғонада 67 метр, Андижонда 64 метр, Бухорода 65 метр, Навоийда 62,5 метр, Самарқандда 60 метр ва Ургутда 62 метр баландликда байроқ ўрнатилган.
Изоҳ (0)