Сиёсатчи Алексей Навальний ётқизилган Берлиндаги «Шарите» клиникаси тадқиқотлар натижаси беморнинг холинестаразлар ингибиторлари гуруҳига мансуб модда билан заҳарлашганини маълум қилди. Модданинг аниқ номи ҳали аниқланмаган.
Алексей Навальний ҳали ҳам сунъий кома ҳолатида қолмоқда, унинг ҳолати жуда оғир деб баҳоланмоқда, лекин беморнинг ҳаётига хавф соладиган бошқа асоратлари йўқ, дейилади шифохона баёнотида. Шунингдек, клиника Навальнийнинг касаллиги қандай асоратларга олиб келиши мавҳумлиги, бироқ узоқ давом этиш хавфи мавжудлиги, бу айниқса, асаб тизимига салбий таъсир кўрсатишини билдирган. Немис шифокорлари сиёсатчининг рафиқаси Юлия Навалная билан доимий равишда мулоқотда бўлиб турибди.
«Шарите» хабарида заҳар тури аниқлангани, аммо унинг кимёвий табиати ҳали ўрганилаётгани қайд этилган. Модда холинестараза ингибаторларига мансуб — у ацетилхолин нейромедиаторини издан чиқарадиган реакцияга сабаб бўлади. Клиника маълумотида Навальнийнинг танасидаги заҳарли модда бир нечта мустақил лабораторияларда текширилгани, натижада касалликка қарши атропин дори воситасидан фойдаланишга қарор қилингани ёзилган.
Ацетилхолинестеразалари ингибиторларининг ҳаракати нейронларда синапсларнинг қайта уйғонишига туртки беради, оқибатда ацетилхолин нейромедиатор сифатида ишлайди. Бундай заҳар турларига кўплаб аралашмаларни келтириш мумкин: табун, ВХ, «Новичок» ва бошқа жанговар асаб-фалажловчи газлар шулар жумласидан. Шунингдек, дихлофос заҳарининг пестицидлар, карбофос ҳам мазкур туркумга мансуб.
Алексей Навальний заҳарланганидан кейин икки кун давомида ётган Омскдаги тез ёрдам шифохонаси вакиллари лаборатор текширувлар заҳар ёки заҳарли маҳсулотлар ҳаракатига сабаб бўладиган ёхуд кимёвий-заҳарли моддалар бемор организмида аниқланмаганини билдирган. Навальний тарафдорлари эса омсклик шифокорлар икки сутка давомида сиёсатчининг Германияга эвакуация қилинишига қарши туриш учун бундай баҳоналар ўйлаб топганини таъкидлаган.
«Шарите» клиникасида 2018 йилда «Медиазона» нашри таъсисчиси, рассом Пётр Верзилов заҳарланиш аломатлари билан ётқизилганди. Верзиловнинг атрофидаги кишилар уни холинолитиклар билан заҳарлашганини тахмин қилган. Навальнийни даволаш вақтида аниқланган холинестеразларнинг ингибиторларидан фарқли равишда холинолитиклар тескари физиологик ҳаракатни юзага келтиради. Бунда заҳар ацетилхолин рецепторларни блоклайди ва ацетилхолин синапслар ўтишига босим қилади.
Алексей Навальний 20 август куни Томскдан Москвага учаётган самолётда аҳволи ёмонлашганидан буён комада. Унинг яқинлари сиёсатчи заҳарланган, деб тахмин қилмоқда.
Навальний қарийб икки сутка давомида Омксдаги клиникада ётди, шундан сўнг у Берлинга олиб кетилди. Омскдаги клиника шифокорлари икки сутка давомида уни олиб кетишга рухсат беришдан бош тортди ва буни беморнинг аҳволи барқарор эмаслиги билан тушунтирди.
Германия ҳукумати россиялик сиёсатчи Алексей Навальний катта эҳтимол билан заҳарланган, деб ҳисобламоқда. Бу ҳақда мамлакат ҳукуматининг расмий вакили Штеффен Зайберт маълум қилган.
Изоҳ (0)