Вьетнамдаги Хойан порт шаҳри ташриф буюрувчилар учун бутунлай ёпилди, деб хабар берди маҳаллий нашрга таяниб «РБК».
Куангнам провинцияси раҳбарияти бундай қарор коронавирус тарқалиши хавфи билан боғлиқлигини айтди. Қайд этилишича, аллақачон шаҳарда бўлган сайёҳлар мамлакат соғлиқни сақлаш вазирлигининг буйруғига биноан махсус декларациясини тўлдириши шарт.
Шаҳардаги барча маданий тадбирлар, фестиваллар ва спорт мусобақалари вақтинча бекор қилинди.
Аввалроқ Вьетнам расмийлари COVID-19 касаллиги Дананг шаҳрида қайд этилганлигини маълум қилганди. Шу муносабат билан шаҳардан 80 минг сайёҳни эвакуация қилишга қарор қилинди.
Сўнгги кун давомида Данангда 11 та янги инфекция ҳолати аниқланди. Икки кишининг аҳволи оғир, улар сунъий нафас олдириш мосламаларига уланган.
Шаҳар маъмурлари 28 июль куни COVID-19 касаллиги аниқлагани сабабли парвозларни тўхтатди. Шунингдек, шаҳарда барча автобус ва темир йўл хизматлари тўхтатилди.
Жонс Ҳопкинс университетининг 28 июль кунги маълумотига кўра, Вьетнамда жами 431 та касалланиш ҳолати тасдиқланган.
Изоҳ (0)