Беларусь президенти Александр Лукашенко COVID-19 билан касаллангани ва уни «оёқда ўтказганини» маълум қилди. Бу ҳақда Meduza хабар берди.
Александр Лукашенко коронавирус билан оғриганини Беларусь Ички ишлар вазирлигининг ички қўшинлари қисмларидан бирига ташрифи вақтида маълум қилган.
«Сиз бугун коронавирусни оёқда юриб ўтказган одам билан учрашяпсиз. Шифокорлар кеча шундай хулоса берди. Белгиларсиз», — дея маълум қилган Беларусь президенти.
«РИА Новости»нинг ёзишича, Лукашенко айнан қачон коронавирус билан оғриганига аниқлик киритмаган. Агентликнинг қайд этишича, президентнинг касаллангани ҳақида баҳорда хабарлар пайдо бўлган, бироқ ўшанда Беларусь ҳукумати бу хабарларни инкор қилган.
Аввалроқ Александр Лукашенко Беларусда коронавирус устидан ғалаба қозонилганини маълум қилганди. Шунингдек, Лукашенко коронавирусни чалғиўроқ ёрдамида даволаш мумкинлигини айтганди.
Изоҳ (0)