Кей-Лига. Икром Алибоев жамоаси ўз уйида ғалабани қўлдан чиқарди
Футбол бўйича Жанубий Корея чемпионатининг 12-турида «Сеул» 18 июль, шанба куни «Поҳанг Стилерс»ни қабул қилди.
Учрашувнинг 37-дақиқасида Чо Ён Ук пойтахтликларни олдинга олиб чиқди. Бироқ меҳмонлар иккинчи бўлимда бунга учта гол билан жавоб қайтарди. Станислав Илюченконинг дубли ва Мануэль Паласиоснинг голи «Поҳанг»га ғалаба олиб келди.
Ўзбекистонлик ярим ҳимоячи Икром Алибоев 46-дақиқада захирадан майдонга тушди.
Мазкур ғалабадан кейин «Поҳанг Стилерс» очколарини 23 тага етказиб олди ва 4-ўринда кетмоқда. «Сеул» (10) эса 12 жамоа орасида 11-поғонани эгаллаб турибди.
Мазкур тур доирасида 19 июль, якшанба куни Жамшид Искандаров ҳаракат қилаётган «Соннам» жамоаси «Сувон» меҳмони бўлади.
Кей-Лига
12-тур баҳси
18 июль, шанба
«Сеул» — «Поҳанг Стилерс» 1:3
Голлар: 1:0 – 37 Чо Ён Ук, 1:1 – 52 Илюченко, 1:2 – 61, пенальти Илюченко, 1:3 – 90 Паласиос.«Сеул»: Ю Сан Ҳун, Барба (Алибоев, 46), Ким Нам Чун, Юн Ён Сон (Ким Чу Сон, 46), Юн Чон Гю, Юн Чу Те, Ким Жин Я, Ко Ё Ҳан, Ко Кван Мин, Чу Се Жон, Чо Ён Ук.
«Поҳанг Стилерс»: Кан Ҳён Му, Квон Ван Гю, Ким Кван Сок, Ҳа Чан Ре, Сон Мин Гю, Чҳве Ён Жун, Ли Кван Ҳёк, Ким Сан Вон, O'Нил, Паласиос, Илюченко.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
