Futbol bo‘yicha Janubiy Koreya chempionatining 12-turida “Seul” 18-iyul, shanba kuni “Pohang Stilers”ni qabul qildi.
Uchrashuvning 37-daqiqasida Cho Yon Uk poytaxtliklarni oldinga olib chiqdi. Biroq mehmonlar ikkinchi bo‘limda bunga uchta gol bilan javob qaytardi. Stanislav Ilyuchenkoning dubli va Manuel Palasiosning goli “Pohang”ga g‘alaba olib keldi.
O‘zbekistonlik yarim himoyachi Ikrom Aliboyev 46-daqiqada zaxiradan maydonga tushdi.
Mazkur g‘alabadan keyin “Pohang Stilers” ochkolarini 23 taga yetkazib oldi va 4-o‘rinda ketmoqda. “Seul” (10) esa 12 jamoa orasida 11-pog‘onani egallab turibdi.
Mazkur tur doirasida 19-iyul, yakshanba kuni Jamshid Iskandarov harakat qilayotgan “Sonnam” jamoasi “Suvon” mehmoni bo‘ladi.
Key-Liga
12-tur bahsi
18-iyul, shanba
“Seul” — “Pohang Stilers” 1:3
Gollar: 1:0 – 37 Cho Yon Uk, 1:1 – 52 Ilyuchenko, 1:2 – 61, penalti Ilyuchenko, 1:3 – 90 Palasios.“Seul”: Yu San Hun, Barba (Aliboyev, 46), Kim Nam Chun, Yun Yon Son (Kim Chu Son, 46), Yun Chon Gyu, Yun Chu Te, Kim Jin Ya, Ko Yo Han, Ko Kvan Min, Chu Se Jon, Cho Yon Uk.
“Pohang Stilers”: Kan Hyon Mu, Kvon Van Gyu, Kim Kvan Sok, Ha Chan Re, Son Min Gyu, Chhve Yon Jun, Li Kvan Hyok, Kim San Von, O’Nil, Palasios, Ilyuchenko.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)