UFC’нинг ярим ўрта вазн тоифасидаги чемпиони Камару Усмон фаолиятини якунлаган Жорж Сен-Пьер билан жанг қилмоқчи.
«Жорж билан жанг қилмоқчиман. Биз у билан ярим ўрта вазн тоифасида кетма-кет ғалаба қозониш бўйича бир хил кўрсаткичга эгамиз. Жорж — кучли йигит, спорт афсонаси. У энг яхшиларидан бири ҳисобланади, айнан мен ҳам шунга интиламан.
Сен-Пьер ҳали ҳам юқори савияда жанг қила олади. У буни икки йил аввал исботлаган. Унинг қайтишига ва қизиқарли рақиб бўла олишига ишонаман.
Аммо Бёрнсни (Гильберт) беришса ҳам, розиман. Ўзимга рақиб танламоқчи эмасман. UFC қандай қарор қилса, шундай бўлади. Ким менга қарши чиқишидан қатъи назар, унинг орзуси тезда даҳшатга айланади», — дейди Усмон.
Аввалроқ UFC президенти Дэйна Уайт Камару Усмоннинг Гильберт Бёрнсга қарши жанг ўтказишини айтганди.
Эслатиб ўтамиз, Усмон Абу-Дабида ўтказилган UFC 251 мусобақасида Хорхе Масвидални мағлубиятга учратиб, чемпионлик камарини ўзида сақлаб қолди.
Камару Усмон Сержиу Мораисни 1-раунддаёқ даҳшатли нокаутга учратган, ўша жангни томоша қилинг.
Мавзуга доир:
Изоҳ (0)