Қозоғистон президенти Қосим-Жўмарт Тўқаев мамлакат ҳукумати олдига «пандемия борасидаги статистикани тўғирлаш» вазифасини қўйди, деб хабар беради Tengrinews.
Қозоғистон президентининг таъкидлашича, мамлакатда коронавирусдан ташқари пневмония ҳам фуқаролар ҳаётига жиддий хавф туғдирмоқда.
«Пандемияга боғлиқ барча маълумотлар, у қанчалик қайғули бўлмасин, жамият мулки бўлиши керак. Шаффофлик ва ўзаро ишонч қанча кўп бўлса, ушбу ҳамлани шунчалик тез енгамиз», — деб ёзади Тўқаев ўзининг Twitter’даги саҳифасига.
Аввалроқ Қозоғистон президенти Қосим-Жўмарт Тўқаев мамлакатда коронавируснинг иккинчи тўлқини бошланганини эълон қилган эди ва бунда Соғлиқни сақлаш вазирлигини айблаганди. Қозоғистонда карантин чекловлари июль ойининг охиригача узайтирилди.
Сўнгги маълумотларга кўра, Қозоғистонда коронавирусга чалинганлар сони 66 895 кишига етган. Ҳозирга қадар мамлакатда 40 256 бекор соғайган, 396 киши COVID-19 қурбонига айланган.
Изоҳ (0)