Қирғизистонда ўтган бир сутка ичида яна 603 кишида коронавирус аниқланди. Бу ҳақда ССВ жамоат саломатлиги бошқармаси бошлиғи Айнур Акматовага таяниб хабар берилган.
Коронавирусга чалинган янги касалларнинг 300 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:
- Чуй вилояти — 82;
- Ўш шаҳри — 67;
- Ўш вилояти — 43;
- Иссиқкўл вилояти — 6;
- Жалолобод вилояти — 48;
- Боткен вилояти — 53;
- Талас вилояти — 5.
«Халқаро классификацияга U07.1 ва U07.2 кодлари киритилган. Унга кўра, U07.1 — бу лабораторияда тасдиқланган COVID-19, U07.2 эса — клиник-эпидемиологик тасдиқланган COVID-19. Статистика бирлаштирилиши кераклиги ҳақида кўплаб муҳокамалар бўлди. Барча ҳолатлар битта код остида кетиши керак дейилди, бироқ ЖССТ муҳокамадан сўнг иккита кодни жорий этди», — дейди Акматова.
Шундай қилиб, умумий статистикага кўра, Қирғизистонда ўтган бир сутка ичида 1654 кишида коронавирус тасдиқланган (U07.2 билан бирга), пандемия бошланганидан буён мамлакатда коронавирус қайд этилган ҳолатлар сони 23 783 нафарга етган.
Шунингдек, ўтган бир суткада олти киши коронавирусдан (улар орасида тиббиёт ходими ҳам бор), 77 киши эса пневмониядан вафот этган. Ҳозирга қадар мамлакатда коронавирусдан вафот этганлар сони 785 кишига етди, 6096 бемор соғайди.
Аввалроқ Бишкекдаги тез ёрдам ходимларининг чорак қисми COVID-19 ва пневмония билан касаллангани тўғрисида хабар берилганди.
Изоҳ (0)