Хитой иқтисодиёти дунёнинг йирик давлатлари орасида биринчи бўлиб коронавирус эпидемиясидан сўнг, ўса бошлади. Бу ҳақда The Wall Street Journal хабар берди.
Хитой Миллий статистика бюроси маълумотларига кўра, 2020 йилнинг иккинчи чорагида Хитой ЯИМи 2019 йилнинг шу даврида нисбатан 3,2 фоизга ўсган.
Ўтган чоракда асосий ўсиш қишлоқ хўжалиги ва саноат соҳасига тўғри келмоқда. Хизмат кўрсатиш соҳасида эса ўсиш бироз секин юз беряпти.
Чакана савдо биринчи чоракка нисбатан камайган, аммо тикланиш белгиларини кузатилмоқда.
«Умуман олганда, миллий иқтисодиёт 2020 йилнинг биринчи ярмида эпидемия сабаб юзага келган салбий эффектларни енгиб ўтишни бошлади ва ўсиш жараёнлари қайд этилмоқда», — дейилади статистика бюроси хабарида.
Эслатиб ўтамиз, 2020 йилнинг дастлабки икки ойида Хитойда саноат ишлаб чиқаришининг пасайиши сўнгги 30 йил давомида кузатилган энг салбий кўрсаткични қайд этганди. Апрель ойига келиб эса, коронавирус сабаб Хитой ялпи ички маҳсулоти рекорд даражага — қарийб 7 фоизга қулаган эди.
Изоҳ (0)