Qirg‘izistonda o‘tgan bir sutka ichida yana 603 kishida koronavirus aniqlandi. Bu haqda SSV jamoat salomatligi boshqarmasi boshlig‘i Aynur Akmatovaga tayanib xabar berilgan.
- Chuy viloyati — 82;
- O‘sh shahri — 67;
- O‘sh viloyati — 43;
- Issiqko‘l viloyati — 6;
- Jalolobod viloyati — 48;
- Botken viloyati — 53;
- Talas viloyati — 5.
“Xalqaro klassifikatsiyaga U07.1 va U07.2 kodlari kiritilgan. Unga ko‘ra, U07.1 — bu laboratoriyada tasdiqlangan COVID-19, U07.2 esa — klinik-epidemiologik tasdiqlangan COVID-19. Statistika birlashtirilishi kerakligi haqida ko‘plab muhokamalar bo‘ldi. Barcha holatlar bitta kod ostida ketishi kerak deyildi, biroq JSST muhokamadan so‘ng ikkita kodni joriy etdi”, — deydi Akmatova.
Shunday qilib, umumiy statistikaga ko‘ra, Qirg‘izistonda o‘tgan bir sutka ichida 1654 kishida koronavirus tasdiqlangan (U07.2 bilan birga), pandemiya boshlanganidan buyon mamlakatda koronavirus qayd etilgan holatlar soni 23 783 nafarga yetgan.
Shuningdek, o‘tgan bir sutkada olti kishi koronavirusdan (ular orasida tibbiyot xodimi ham bor), 77 kishi esa pnevmoniyadan vafot etgan. Hozirga qadar mamlakatda koronavirusdan vafot etganlar soni 785 kishiga yetdi, 6096 bemor sog‘aydi.
Avvalroq Bishkekdagi tez yordam xodimlarining chorak qismi COVID-19 va pnevmoniya bilan kasallangani to‘g‘risida xabar berilgandi.
Izoh (0)