Россия президенти Владимир Путин журналистларга Кремль қароргоҳи биринчи корпусида жойлашган махфий хонасини кўрсатди. Махфий хонанинг кадрлари «Россия 1» телеканалидаги «Россия. Кремль. Путин» дастурида намойиш қилинган.
Путин дастлаб ўз иш кабинетини намойиш этган. Кейин эшиклар ортида ҳали журналистлар кўрмаган ва киритилмаган хоналар борлиги ҳақида гапирган.
«У ерда овқатланиш ва дам олиш хоналари бор. Огоҳлантириб қўяй, мен у ерда овқат тайёрламаганман, шу сабабли ушбу хоналарда ишчанлик муҳити бор. Менимча, сиз бу ерга биринчи марта киряпсиз», — деган Путин.
Мавзуга доир: Путин Москвада ўтадиган Ғалаба парадига барча МДҲ давлатлари раҳбарларини таклиф қилди
https://twitter.com/vesti_news/status/1273681726083076096
Видео кадрларида болалар ясаган буюмлар ва улар чизган суратлар борлиги намоён бўлган, мазкур эсдалик совғаларини Путин ҳудудлар бўйлаб қилган саёҳатлар вақтида унга туҳфа қилинган. Хона деворига Пётр I портрети осилган.
Шунингдек, Россия давлат раҳбари неваралари тез-тез қўнғироқ қилиб, бобо билан суҳбатлашиб туриши ҳақида ҳам гапирган.
Изоҳ (0)