Rossiya prezidenti Vladimir Putin jurnalistlarga Kreml qarorgohi birinchi korpusida joylashgan maxfiy xonasini ko‘rsatdi. Maxfiy xonaning kadrlari “Rossiya 1” telekanalidagi “Rossiya. Kreml. Putin” dasturida namoyish qilingan.
Putin dastlab o‘z ish kabinetini namoyish etgan. Keyin eshiklar ortida hali jurnalistlar ko‘rmagan va kiritilmagan xonalar borligi haqida gapirgan.
“U yerda ovqatlanish va dam olish xonalari bor. Ogohlantirib qo‘yay, men u yerda ovqat tayyorlamaganman, shu sababli ushbu xonalarda ishchanlik muhiti bor. Menimcha, siz bu yerga birinchi marta kiryapsiz”, — degan Putin.
Mavzuga doir: Putin Moskvada o‘tadigan G‘alaba paradiga barcha MDH davlatlari rahbarlarini taklif qildi
https://twitter.com/vesti_news/status/1273681726083076096
Video kadrlarida bolalar yasagan buyumlar va ular chizgan suratlar borligi namoyon bo‘lgan, mazkur esdalik sovg‘alarini Putin hududlar bo‘ylab qilgan sayohatlar vaqtida unga tuhfa qilingan. Xona devoriga Pyotr I portreti osilgan.
Shuningdek, Rossiya davlat rahbari nevaralari tez-tez qo‘ng‘iroq qilib, bobo bilan suhbatlashib turishi haqida ham gapirgan.
Izoh (0)