Ижтимоий тармоқларда дизайни Rolls-Royce дизайнери Жайлс Тэйлор томонидан яратилган Hongqi маркасидаги электрокроссовернинг янги суратлари пайдо бўлди, деб хабар беради Motor.
Hongqi E-HS9 модели — 2019 йилнинг кузида Франкфуртдаги автосалонда намойиш этилган E115 концептининг товар версияси ҳисобланади. Кроссовер ўлчамлари бўйича BMW Х7’дан каттароқ. Хитой ОАВнинг маълумотларига кўра, E-HS9 иккита электромотор ва 92 киловатт-соатли батареялари билан жиҳозланган бўлиб, бу бир марта қувватланиш орқали 600 километргача масофа босиш имконини беради.
Hongqi E-HS9’нинг комбинациялашган куч узатмаси — 517 от кучи ва 770 Нм айланишлар моментига тенг. Мазкур кроссовер 24 сентябрь куни иш бошлайдиган Пекин автосалонида тақдим этилиши мумкин.
Бренднинг ҳозирги моделлари қаторидан H7 седани, HS5, HS7 ҳамда EHS3 кроссоверлари, шунингдек, H5 ва L5 седанлари ўрин олган.
Изоҳ (0)