АҚШда яшовчи Аарон Робинсоннинг Ford Mustang автомобили «глушитель»ига монтаж кўпиги қуйиб, таҳдидли хат қолдиришди. Бу ҳақда «Korrespondent.net» хабар берди.
«Ниҳоят сени топдим. Сен бизнинг эътиборимизни жалб этишни хоҳладинг, бироқ эътиборнинг бундай бўлишини сен кутмагандинг. Сенда бошқа ‘глушитель’ ўрнатиш учун 14 кун бор, акс ҳолда сени нима кутаётганини тасаввур ҳам қила олмайсан. Аминманки, сен полицияга қўнғироқ қилишни ёки кузатув камераларини ўрнатишни истайсан. Бироқ бу биз маҳрум этилган хотиржамлик учун тўлов бўла олмайди», — дейилади мактубда.
Шунингдек, қоғозга маҳаллий полиция участкаси рақами ёзилган эди. «Бироқ полицияга мурожаат қилиш сенга яхшилик олиб келмайди», — дейилган эди мактубда.
Mustang эгаси ижтимоий тармоқда ушбу хатни эълон қилган ва албатта, машинасини устага кўрсатишини ёзиб қолдирган.
Мавзуга доир: Дунёдаги энг машҳур спорткар номи маълум қилинди
Изоҳ (0)