Ijtimoiy tarmoqlarda dizayni Rolls-Royce dizayneri Jayls Teylor tomonidan yaratilgan Hongqi markasidagi elektrokrossoverning yangi suratlari paydo bo‘ldi, deb xabar beradi Motor.
Hongqi E-HS9 modeli — 2019-yilning kuzida Frankfurtdagi avtosalonda namoyish etilgan E115 konseptining tovar versiyasi hisoblanadi. Krossover o‘lchamlari bo‘yicha BMW X7’dan kattaroq. Xitoy OAVning ma’lumotlariga ko‘ra, E-HS9 ikkita elektromotor va 92 kilovatt-soatli batareyalari bilan jihozlangan bo‘lib, bu bir marta quvvatlanish orqali 600 kilometrgacha masofa bosish imkonini beradi.
Hongqi E-HS9’ning kombinatsiyalashgan kuch uzatmasi — 517 ot kuchi va 770 Nm aylanishlar momentiga teng. Mazkur krossover 24-sentabr kuni ish boshlaydigan Pekin avtosalonida taqdim etilishi mumkin.
Brendning hozirgi modellari qatoridan H7 sedani, HS5, HS7 hamda EHS3 krossoverlari, shuningdek, H5 va L5 sedanlari o‘rin olgan.
Izoh (0)