Rolls-Royce компанияси 1:8 масштабда яратилган Cullinan ўйинчоқ кроссоверининг нархини ошкор қилди. Максимал даражада деталлаштирилган моделни яратиш учун Rolls-Royce мутахассислари 450 соат сарфлайди, деб хабар беради Motor.
Rolls-Royce фирмаси ўзининг Cullinan ўйинчоқ моделини санъат намунаси деб ҳисоблайди ва маълум қилинишича, ўйинчоқ нусха худди ҳақиқий кроссовер каби қўлда йиғилиб, бўялади.
Бундан ташқари, буюртмачи моделнинг ташқи кўриниши ва интерьерини ўзи танлаши мумкин. Бунда 40 мингдан ортиқ ранг туси, салон материаллари, шунингдек, чарм ўриндиқлар жойлашуви таклиф этилади.
Максимал даражада деталлаштириш нафақат кузов ва салонга тегишли: капот остига 6,75 литрли V12 моторнинг нусхаси жойлаштирилган, эшиклардаги махсус тешиклардан миниатюра соябонларни олиш мумкин, моделдаги фаралар эса ҳақиқий Cullinan’нинг ёруғлик техникасини такрорлайди. Бунинг устига Rolls-Royce моделининг ўлчами анча каттагина: футляр бир метрга етса, Rolls-Royce’нинг нусхаси 70 сантиметрни ташкил этади.
Мутахассислар 450 соат сарфлайдиган мазкур ўйинчоқ моделни АҚШда 17 минг долларга харид қилиш мумкин. Агарда у максимал даражада қўшимча жиҳозлар билан безатилса 32 765 доллардан сотилади. Бу пулга Шимолий Америкада нархи 19 600 доллардан бошланадиган Toyota Corolla седанини харид қилса бўлади.
Изоҳ (0)