Қорақалпоғистон Республикасида 25 май куни Cobalt иштирокида юз берган йўл-транспорт ҳодисасида машина йўловчиси вафот этди. Бу ҳақда ЙҲХББ хабар бермоқда.
Ҳодиса соат 13:30 ларда Хўжайли тумани ҳудудидан ўтган А-380 Ғузор–Бухоро–Нукус–Бейнеу автомобиль йўлининг 795-километрида юз берган. 1976 йилда туғилган З.К. исмли эркак Cobalt тезлигини меъёридан оширган ҳолда бошқараётиб, руль бошқарувини йўқотган. Оқибатда машина йўлдан чиқиб кетиб, ўнг томондаги темир сув қувурига бориб урилган.
ЙТҲ оқибатида йўловчи 1932 йилда туғилган У.Ю. исмли аёл оғир тан жароҳатлари олиб шифохонада вафот этган. Ҳайдовчи З.К. ва яна бир йўловчи 1978 йилда туғилган Ж.Г. исмли аёл тан жароҳатлари билан шифохонага ётқизилган.
Мазкур ЙТҲ юзасидан Хўжайли тумани ИИБ ТБ томонидан суриштирув ишлари олиб борилмоқда.
Ҳайдовчилар бошқарувни йўқотиши оқибатида Ўзбекистонда ўлим билан якунланган ЙТҲлар тез-тез содир бўлиб туради. 22 май куни Сурхондарёдаги адирликда трактор жарликка ағдарилиши оқибатида ҳайдовчи, 17 май куни Чироқчида аёл ҳайдовчи бошқарувидаги Matiz ағдарилиб кетиши оқибатида йўловчи аёл, 5 май куни Сирдарёда Matiz каналга ағдарилиб кетиши оқибатида ҳайдовчи ва икки йўловчи вафот этганди.
Изоҳ (0)