Ифторликка оила аъзоларингизга ноодатий озарбайжонча таом — «Шоҳ-палов» пишириб, уларни хушнуд этинг.
Таом учун қуйидаги маҳсулотлар керак бўлади:
- Гуруч — 600 гр⠀
- Гўшт — 500 гр (иложи бўлса, қўй гўштидан фойдаланиш тавсия қилинади) ⠀
- Пиёз — 300 гр
- Сабзи — 1 дона
- Қуритилган ўрик — 100 гр
- Майиз — 100 гр
- Анжир — 100 гр⠀
- Эритилган сариёғ — 100 гр
- Лаваш хамири — (ўз қўлингиз билан тайёрланган юпқа хамирдан ҳам фойдаланиш мумкин)
- Зарчива (куркума) — 1 чой қошиқ
- Туз, мурч ва ошга солинадиган зираворлар — таъбга кўра
- Таом тайёрлашни, эриган сариёғда гўштни қовуришдан бошланг, қизарганидан кейин пиёз, сабзи қўшинг.
- Таъбга кўра туз, мурч ва зиравор қўшинг.
- Маҳсулотларни ботадиган даражада озроқ сув солиб қайнатинг.
- Қайнаб чиққанидан кейин оловни пасайтиринг ва гўшт юмшоқ пишиши учун 30 дақиқа димланг.
- Қуритилган ўрик, майиз ва анжир қўшиб аралаштиринг.
- Гуручни 5-7 дақиқа давомида қайнаган сувда пишириб олинг.
- Лаваш хамирини 5 сантиметр қалинликда кесиб олинг, узунлиги қолсин.
- Яхшилаб сариёғ суртинг.
- Хамир ёпишиб қолишини олдини олиш учун, қозон ёки товоқнинг ичи ва ташқи томонига ҳам сариёғ суртинг.
- Хамирларни идишга айлантириб териб чиқинг.
- Унинг учдан бир қисми идиш ташқарисида бўлишига (ош устини ёпиш учун), қолган хамирларни терганда ораси очилмасдан бироз устини ёпишига эътибор беринг.
- Хамирлар терилганда очиқ жой қолмаслиги ва яхлит кўриниши керак.
- Гўштли аралашманинг ярмини хамир устига солинг.
- Устидан гуруч ва эритилган сариёғ солинг.
- Юқоридаги сингари такрор гўштнинг қолган қисмини, сариёғ ва гуруч солинг.
- Лавашнинг идиш четига чиққан қисми билан ош устини ёпинг ва яхшилаб сариёғ суртинг.
- Идиш устини ёпиб, 200 даража қизиган печда 1 соат давомида пишириб олинг.
- Таом тайёр, уни суратдагидек кесиб дастурхонга тортиш мумкин.
«Дарё»даги бошқа рецептлардан ҳам фойдаланинг.
Саҳарлик учун рецептлар:
Изоҳ (0)