Барра салат барги ва янги саримсоқ пиёз қўшилган товуқ гўштли «Цезарь» салати ифторлик дастурхонингизни безаши тайин. Ушбу егулик тўйимли, шунингдек, фойдали витаминларга бойлиги билан ажралиб туради. Салатга қўшиладиган майонез уй шароитида тайёрланса яна ҳам мазалироқ бўлади.
Керакли маҳсулотлар:
- Товуқ филеси — 200 гр
- Черри помидор — 3 дона
- Тухум (бедана тухумидан фойдаланиш тавсия қилинади, лекин товуқ тухумидан ҳам тайёрлаш мумкин)
- Салат барги — ярим боғ
- Пишлоқ — 200 гр⠀
- Батон нон — 200 гр
- Саримсоқ пиёз — 2 бўлак
- Туз, мурч — таъбга кўра
- Зайтун ёки ўсимлик ёғи — 100 мл
- Батон нонни «кубик» қилиб кесиб олиб, ўсимлик ёғига солиб қовуринг.
- Саримсоқ пиёз, туз ва пишлоқ қўшиб аралаштиринг.⠀
- Товуқ филесини йирикроқ шаклда кесинг, туз, мурч ва ёғ қўшиб яхшилаб аралаштиринг.
- Қуруқ товага солиб тилларанг тусга киргунича қовуринг.
- 3 ош қошиқ сув қўшиб, 10-15 дақиқа димланг.
Мавзуга доир: Уй шароитида парҳезли майонез тайёрлаймиз
- Майонезга пишлоқ, саримсоқ пиёз қўшиб аралаштиринг.
- Идишга биринчи тўғралган салат барги ва батон солиб устидан соус қуйиб аралаштиринг.
- Тарелкага аралашмани солиб, устидан тухум ва черри помидорларини териб чиқинг.
- Энг устида товуқ гўштини қўйинг.
- Қирғичдан чиқарилган пишлоқни сепинг.
«Дарё»даги бошқа рецептлардан ҳам фойдаланинг.
Саҳарлик учун рецептлар:
Изоҳ (0)