Бугун,

  • USD 11014.01
  • RUB 191.8
  • EUR 10674.78

Сурхондарё вилояти Бойсун туманида 1 май, жума куни, одам ўлими билан якунланган йўл-транспорт ҳодисаси содир бўлди. Бу ҳақда ЙҲХББ хабар бермоқда.

Фото: ЙҲХББ

Фото: ЙҲХББ

Ҳодиса соат 17:00 ларда Тошкент—Термиз М-39 автомобиль йўлининг 1322-километрида юз берган. 1990 йилда туғилган Ж.Б. бошқарувидаги Volvo FH12 42T юк машинаси йўлнинг хавфли бурилиш қисмини англатувчи йўл белгиси ўрнатилганлигига қарамасдан тезликни меъёридан оширган. Бурилиш қисмида ҳайдовчи бошқарувни йўқотиб, йўл четидаги бетон тўсиққа бориб урилган.

Фото: ЙҲХББ

Фото: ЙҲХББ

Ж.Б. кўрсатилган тиббий муолажаларга қарамай оғир тан жароҳатлари оқибатида шифохонада вафот этган.

Фото: ЙҲХББ

Фото: ЙҲХББ

Мазкур ЙТҲ юзасидан Бойсун тумани ИИБ ТБ томонидан суриштирув ишлари олиб борилмоқда.

Фото: ЙҲХББ

Фото: ЙҲХББ

ЙҲХББ жорий ҳафта одам ўлими билан якунланган 5 та ЙТҲ ҳақида маълумот берганди. Улардан 3 таси Сурхондарё вилояти ҳудудида рўй берган. 27 апрель куни Сурхондарёнинг Шўрчи туманида Nexia ва «Камаз» тўқнашуви оқибатида енгил машинанинг 27 ёшли йўловчиси, Тошкентда «Газель» ва Hyundai Porter тўқнашуви оқибатида юк машинасининг 55 ёшли ҳайдовчиси, 28 апрель куни Шўрчи туманида Nexia ва «Зил» тўқнашуви оқибатида енгил машинанинг 29 ёшли ҳайдовчиси, 29 апрель куни Жиззахнинг Пахтакор туманида Matiz ағдарилиб кетиши оқибатида 25 ёшли ҳайдовчи ва 13 ёшли йўловчи, Сурхондарёнинг Жарқўрғон туманида Matiz велосипедчини уриб юбориши оқибатида 55 ёшли велосипедчи вафот этганди.

Изоҳ
Асосий янгиликлар