Toyota компанияси махсус Япония учун коронавируснинг оғир формасига чалинган беморларни ташишга мўлжалланган автомобиль яратди, деб хабар берди Motor.
Машиналар Токио ҳамда яна иккита қўшни префектураларга етказиб берилади.
Автомобиллар махсус вентиляция тизими билан таъминланган: ичкарида ифлосланган ҳавони салонга тушишининг олдини олиб, уни сиқиб чиқарувчи вентилятор ўрнатилган.
Автомобилнинг беморни ташийдиган қисми ҳайдовчи ўтирадиган қисмидан герметик ажратилган бўлиб, бу ҳайдовчи ва беморнинг хафвсизлиги учун муҳим.
Автомобилларнинг биринчи партияси аллақачон Токиога етказиб берилди. Келгусида компания бундай автомобилларни шифокорлар учун мўлжалланган моделларини ишлаб чиқаришни режалаштирмоқда.
Бундан ташқари, Toyota компанияси жорий ҳафта бошидан бери юз учун ҳимоя қалқонларини ишлаб чиқаришни бошлади. Ишлаб чиқариш қуввати бир ойда 40 мингта нусхага мўлжалланган.
Изоҳ (0)