30 апрель куни Ҳиндистоннинг Мумбай шаҳридаги касалхонада 67 ёшли актёр ва режиссёр, Капурлар сулоласининг машҳур вакилларидан бири Риши Капур оламдан ўтди. У сўнгги икки йил мобайнида лейкемия (оққон) билан курашиб келган.
Риши Капур даволанган касалхона ходимларининг сўзларига кўра, актёр ҳаётининг сўнгги дақиқасигача бардамликни, юқори кайфиятни сақлаб қолган. У тинмай ҳазиллар қилган, ҳаммага табассум қилиб, кайфият улашган. Марҳумнинг шифохонадаги сўнгги видеоси интернетда тарқалди. Унда ёш йигит актёрнинг қўшиғини ижро этиб, ундан дуо қилишни сўрайди. Актёр эса йигитга шуҳрат қозониш учун кўп ва тинимсиз меҳнат қилиш кераклигини айтади.
https://www.instagram.com/p/B_miitGH-G-/
Ҳиндистонда жорий этилган қатъий карантин режими туфайли аэропортлар ишламаётгани, транспортда ҳаракатланиш чеклангани учун марҳумнинг Деҳлида яшайдиган қизи Ридҳима Капур отаси билан видолашишга етиб кела олмаган.
https://www.instagram.com/p/B_mQ6kNnTBO/
Уни сўнгги йўлга кузатиш маросимида марҳумнинг турмуш ўртоғи Ниту Сингх, ўғли Ранбир Капур ва унинг севгилиси, актриса Алия Бхатт, Капурлар оиласининг вакиллари Рандҳир Капур, Карина Капур ва унинг турмуш ўртоғи Саиф Али Хон, Болливуд актёри Абҳишек Баччан иштирок этган.
https://www.instagram.com/p/B_mlAMMnOgn/
Якунланаётган ҳафта ҳинд киноси учун оғир жудоликлар келтирди. 29 апрель куни онкологик касаллик билан бир неча йил курашган таниқли актёр Ирфон Хон оламдан ўтди. Карантин туфайли Ирфон Хоннинг дафн маросими фақат яқинлари иштирокида бўлиб ўтди. У Мумбайдаги мусулмонлар қабристонига дафн этилди.
Изоҳ (0)