29 апрель, чоршанба куни, Самарқанд вилояти ҳудудида бир неча соат давомида кучли ёмғир ёғди. Булунғур туманининг айрим турар жой массивларида кучли ёмғир оқибатида уйларни сув босди. Бу ҳақда Самарқанд вилояти фавқулодда вазиятлар бошқармаси хабар берган.
Хабарга кўра, Самарқанд вилояти ФВБ ходимлари аҳоли яшаш жойларида сурункали ёмғир оқибатларини бартараф этишда қатнашган.
Аввалроқ Самарқандда дўл аралаш ёмғир ёғгани сабаб сув тошқини содир бўлгани маълум қилинганди.
Аввал Бухорога 27 апрель оқшомида ёпирилган кучли шамол оқибатида камида 41 киши тан жароҳати олган, Бухоро шаҳрида яшовчи бир киши вафот этгани, унинг устига дастлаб дарахт ағдарилган, сўнг у электр симига ўралашиб қолиб, воқеа жойида ҳалок бўлгани, шунингдек, кучли шамол ва ёмғир туфайли 120 та газ қувури ва газ таъминоти тизимининг бошқа объектларига талафот етгани оқибатида салкам 140 минг хонадон вақтинча газ таъминотидан узилиб қолгани, кейинчалик ушбу хонадонларга газ қайта улаб берилгани, Президент Шавкат Мирзиёев 28 апрель, сешанба куни, Бухоро вилоятига ташрифи давомида кучли шамол оқибатида жиддий зарар кўрган Олот тумани марказида фаоллар билан учрашган, у ерда аҳолига ҳар томонлама кўмаклашиш ҳақида топшириқ бергани ҳақида хабар қилинганди.
Изоҳ (0)