Соғлиқни сақлаш вазирлиги Вирусология илмий-текшириш институти клиникасида 17 нафар, Тошкент тиббиёт академияси кўп тармоқли клиникасида эса 13 нафар, жами 30 нафар бемор буткул соғайганини хабар қилди.
Улар Соғлиқни сақлаш вазирлиги масъуллари иштирокида Республика ихтисослаштирилган терапия ва тиббий реабилитация илмий-амалий тиббиёт марказига кузатилган.
Тошкент шаҳрида шу пайтга қадар 320 нафар бемор соғайган бўлса, эндиликда уларнинг сони 350 нафарга етди.
2020 йил 29 апрель 19:50 ҳолатига кўра, Ўзбекистонда жами 104 нафар бемор тузалган ва соғайганларнинг сони 1096 нафарга етган. Тузалганлар сони даволанаётганларга нисбатан сезиларли даражада ошиб кетган.
Ўзбекистонда коронавирусга чалинган беморларнинг умумий сони 1969 нафарни ташкил қилиб, соғайган ва вафот этганлардан ташқари айни пайтда 865 нафар бемор даволанмоқда.
Аввал Ўзбекистонда коронавирусдан яна 74 нафар бемор соғайгани ва тузалганларнинг умумий сони 1066 нафарга етгани ҳамда ССВ COVID-19 бўйича статистик таҳлилни эълон қилгани ҳақида хабарлар берилганди. Ўзбекистонда 15 мартдан буён коронавирусга чалинган беморларнинг саккиз нафари вафот этган.
Изоҳ (0)