Қирғизистонда коронавирус билан касалланиш бўйича яна 13 та ҳолат қайд этилди. Бу ҳақда мамлакат Соғлиқни сақлаш вазирлигига таяниб, «Kloop.kg» хабар берди.
Шундай қилиб, бутун мамлакат бўйлаб COVID-19 билан касалланганлар сони 708 кишига етди. Коронавирус билан касалланиш бўйича сўнгги ҳолатлар мамлакатнинг қуйидаги ҳудудларида қайд этилган:
- Бишкек — 3;
- Жалолобод вилояти — 2;
- Чуй вилояти — 6;
- Норин вилояти — 2 та ҳолат.
Ўтган бир сутка ичида Қирғизистонда 21 нафар бемор COVID-19’дан даволанишга муваффақ бўлган, ҳозирга қадар коронавирусдан соғайганлар сони 416 кишига етган. Яна 1012 киши назорат остида қолмоқда.
Ўзбекистонда 28 апрель соат 10:00 ҳолатига кўра, коронавирус инфекциясини юқтириб олганлар сони 1924 нафарга етди. Мамлакатда 15 мартдан буён коронавирусга чалинган беморларнинг саккиз нафари вафот этди, 892 нафари эса соғайиб, реабилитацияга олинган.
Изоҳ (0)