АҚШ президенти Дональд Трамп мамлакатда коронавирус тарқалишига боғлиқ вазият яхшиланаётганини маълум қилди, деб хабар беради C-SPAN телеканали.
«Мамлакатнинг барча ҳудуди яхши ҳолатда, ҳар жиҳатдан яхшиланмоқда», — дейди Трамп.
Унинг сўзларига кўра, Нью-Йорк, Янги Орлеан, Детройт, Бостон ва Хьюстонда касалликка чалиниш ҳолатлари камаймоқда. Бундан ташқари, президент Вашингтон, Денвер, Сиэтл, Индианополис, Сент-Луисдаги вазият барқарор эканлиги ва касалланиш ҳолатлари камаяётганини билдирди.
Трампнинг маълум қилишича, АҚШ чиндан ҳам қўрқинчли вазият билан тўқнашган, бироқ мамлакат олдинга ҳаракат қилишда давом этяпти.
Жонс Ҳопкинс университети маълумотларига кўра, АҚШда коронавирус билан касалланганлар сони 988 мингдан, вирус қурбонлари сони 56 мингдан ошди. Мамлакат COVID-19 билан касалланиш ҳолатлари бўйича дунёда биринчи ўринда кетмоқда. Унинг ортидан Испания (229 минг) ва Италия (199 минг) ўрин олган. Коронавирус ўчоғи ҳисобланган Хитой тўққизинчи ўринга тушиб кетган.
Мавзуга доир:
Изоҳ (0)