АҚШ президенти Дональд Трамп КХДР етакчиси Ким Чен Иннинг аҳволидан хабардор эканлигини маълум қилди, бироқ у бу ҳақда гапиришни истамаган, деб хабар беради «РБК».
«Ҳозир бу ҳақда гапира олмайман. Унга фақат яхшиликларни тилайман… Умид қиламанки, унинг аҳволи яхши. Умуман олганда, у ўзини қандай ҳис қилаётганидан хабарим бор. Сизлар бу ҳақда яқин вақт ичида бохабар бўласиз», — дейди Трамп Оқ уйда ўтказилган брифинг вақтида.
Аввалроқ CNN телеканали АҚШ КХДР етакчиси Ким Чен Иннинг соғлиғи жарроҳлик амалиётидан сўнг ёмонлашгани тўғрисидаги разведка маълумотларини ўрганаётганини маълум қилганди. Daily NK’нинг ёзишича, Ким Чен Инда 12 апрель куни юрак-қон томир тизимига боғлиқ жарроҳлик амалиёти ўтказилган. Бироқ АҚШ президенти Дональд Трамп Ким Чен Иннинг соғлиғи ёмонлашгани тўғрисидаги маълумотлар хато эканлигини билдириб, CNN’га доим ҳам ишонавермаслигини айтган.
Мавзуга доир:
Изоҳ (0)