Россия Адлия вазирлиги Маъмурий ҳуқуқбузарликлар тўғрисидаги кодекснинг янги таҳририда амалдаги жарималарни қолдиришга қарор қилди.
Таъкидланишича, Маъмурий ҳуқуқбузарликлар тўғрисидаги кодексда кечаси тинчликни бузишга оид жавобгарликни кенгайтиришга қарор қилинган — хусусан, итлар вовуллагани ёки автомобиль сигнализацияси носозлиги борасидаги ҳаракатсиз шаклдаги ҳуқуқбузарликларни ҳам жазолаш таклиф этилган. Бу каби қарор лойиҳанинг жамоатчилик муҳокамасидан сўнг қабул қилинган.
Кодекснинг янги таҳририда биринчи бор содир этилган майда ҳуқуқбузарликка нисбатан жарима эмас, огоҳлантириш қўлланилиши таклиф қилинмоқда.
Россия Маъмурий ҳуқуқбузарлик тўғрисидаги кодексининг янги лойиҳаси 30 январь куни тақдим этилган. Хусусан, кодексда тезлик чекловини бузганлик учун жарималар миқдорини ошириш ва кўплаб маъмурий ҳуқуқбузарликлар муддатини узайтириш назарда тутилган.
Изоҳ (0)