Ижтимоий тармоқларда вертолётлар орқали дезинфекция тадбирлари ўтказилиши ҳақидаги хабарлар тарқалди.
Унда, жумладан, шундай дейилади: «Бугун 23:00 ва тонгги 5:00 гача вертолётлар дезинфекция учун дори сепади. Дераза ва балконлар ёпиқ бўлиши лозим ва 23:00 дан сўнг кўчаларда юриш мумкин эмас. Ҳарбий қисмдан хабар беришди».
Соғлиқни сақлаш вазирлиги, Ахборот ва оммавий коммуникациялар агентлиги, Ёшлар Иттифоқи ва Миллий масс-медиани қўллаб-қувватлаш ва ривожлантириш жамоат фонди @koronavirusinfouz канали раддиясига кўра, бу маълумот ёлғон ва ҳақиқатга тўгри келмайди.
Ўз навбатида канал муаллифлари ваҳима тарқатганлик учун жиноий жавобгарлик мавжудлигини эслатиб ўтган.
Аҳоли орасида ваҳима чиқаришга қаратилган материалларни тайёрлаш ёки уларни тарқатиш мақсадида сақлаш 44 млн 600 минг сўмдан 89 млн 200 минг сўмгача миқдорда жарима ёки 3 йилгача ахлоқ тузатиш ишлари ёхуд 1 йилдан 3 йилгача озодликни чеклаш ёки 3 йилгача озодликдан маҳрум қилиш билан жазоланади.
Аҳоли орасида ваҳима чиқаришга қаратилган маълумотлар ва материалларни ҳар қандай шаклда тарқатиш 66 млн 900 минг сўмдан 89 млн 200 минг сўмгача миқдорда жарима ёки 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланади.
Изоҳ (0)