Тиббий ниқоблар ишлаб чиқарувчи корхона ходимаси Хуршида Аҳмедова 2020 йилнинг индивидуал ҳимоя воситаси – тиббий ниқоблар нархи ошишининг сабабини тушунтирди. Бу ҳақда Ўзбекистон Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги хабар бермоқда.
«2020 йилда коронавирус сабабли тиббий ниқобларга талаб кескин ошиб кетди ва биз ҳамюртларимиздан юзага келган вазиятга тушуниш билан муносабатда бўлишни сўраймиз. Корхонамизнинг ишлаб чиқариш қуввати кунига 60 минг ниқобни ташкил қилади. Бугун биз Бухоро, Самарқанд ва Тошкент вилоятига ниқоблар жўнатдик», — дейди Аҳмедова.
Унинг таъкидлашича, тиббий ниқоблар нархининг ошишига уларни ишлаб чиқаришда қўлланадиган хом ашё қимматлашгани сабаб ҳисобланади. «Хом ашё қимматлашгани сабабли нархни оширишимизга тўғри келмоқда», — дея тушунтиради корхона ходимаси.
Аҳмедованинг қўшимча қилишича, истеъмолчилар Ўзбекистонда ишлаб чиқарилувчи ниқобларнинг сифатига шубҳа қилмасалар ҳам бўлади.
Аввалроқ «Ўзтўқимачиликсаноат» ассоциацияси Ўзбекистонда бир кунда 500 минг дона тиббий ниқоб ишлаб чиқарилаётгани, мамлакатдаги ишлаб чиқариш қувватлари бир кунда тайёрланадиган ниқоблар сонини икки миллион донагача етказиш имконини беришини маълум қилганди.
Мавзуга доир: «Ниқоблар тўғри тақилмаса вирусдан ҳимоя қилмайди». Тиббиёт ниқобларининг фойда ва зарари ҳақида
Изоҳ (0)