Тиббиёт фанлари доктори, профессор Шавкат Аҳмедовнинг сўзларига кўра, кирсовун – коронавирусга қарши самарали воситалардан бири. У бу ҳақда «Ўзбекистон» телеканалидаги «Муносабат» кўрсатувининг 16 март куни бўлиб ўтган сонидаги чиқишида айтиб ўтди.
«Ваҳима қиладиган нарса йўқ. Соғлом турмуш тарзига амал қилиш керак. Шахсий гигиенага риоя қилиш керак. Керак бўлса ҳар соатда қўлни совунлаб ювиш керак», — деди профессор.
У шифокор сифатида химиялашган ҳидли совунни эмас, балки кирсовунни тавсия қилишини айтди. «Айнан кирсовунда ювиш керак. Иложи бўлса, спиртлаб туриш керак. Иложи бўлмаса, кирсовунни ўзи ишқорий муҳит билан фойда беради», — деди профессор Аҳмедов.
Ҳозирда Ўзбекистонда саккиз киши коронавирусга чалинган. Улар орасида оғир аҳволдагилар йўқ. Бундан ташқари, 641 киши касалхоналарда, 5661 киши эса уй шароитида карантинга олинган.
Изоҳ (0)